Изгледа дека Кетрин малку се заиграла со Фотошоп!
Актерката Кетрин Зита Џонс на Инстаграм за Божиќ објави семејна фотографија од одморот во Зимбабве.
Наместо насмеаните лица на Кетрин и Мајкл Даглас и нивните деца, синот Дилан и ќерката Карис, на фановите им „падна во око“ нешто друго – пресечената нога на Мајкл Даглас.
Изгледа дека Кетрин малку се заиграла со Фотошоп, а пред објавата на фотографијата не го забележала пропустот кој го направила.
„Кој генијалец стои зад ова уметничко дело“, „Твојот маж нема нога“ и „Што му се случило на Мајкл“ се само некои од бројните коментари кои се намножија под фотографијата.
Кога сфатила каква грешка направила, Кетрин ја избришала фотографијата и објавила две нови на кои Мајкл Даглас ги има двете нозе.
„Ногата на Мајкл исчезна. Да, исчезна во Африка, но ја пронајдовме и му ја сошивме назад“, се пошегува таа.
