Coperni е француски бренд кој постигна голема слава во светот на модата во последните неколку години и се заснова на нови технологии, експерименти и дизајни што вклучуваат момент на изненадување.
Париската модна недела имаше големо изненадување – Бела Хадид на ревијата на францускиот бренд Coperni доби фустан од спреј, чии автори беа Себастиен Мајер и Арно Вајлан. Таа на пистата се појави во гаќички, а тим технолози буквално ѝ создадоа фустан од конзерва со прскање. Станува збор за 3Д технологија дизајнирана од лондонската компанија Fabrican Ltd. Основана е во 2003 година од д-р Манел Торес.
Имено, Торес ја дизајнирал текстурата, за која истакнува дека мора „да одговара на телото на магичен начин, како втора кожа“. Компанијата денес произведува „материјал што се распрскува од лименка во форма на аеросоли“.
На ревијата во Париз, неговиот изум беше претставен за модната куќа Coperni, а процесот траеше околу 8 минути, колку што ѝ требаше на Хадид да ја „облече“ креацијата.
View this post on Instagram
Во изјавата за WWD, Coperni објави дека материјалот е направен од „кратки влакна поврзани со полимери и биополимери и зелени растворувачи кои испаруваат по прскањето на површината, оставајќи само „текстил“.
Текстурата може да се менува во зависност од влакната, сврзувачката материја и начинот на нанесување на спрејот.
Новосоздадениот материјал може да се пере, па дури и да се интегрира во друга облека, како и – со разни уреди кои го следат здравјето на оној што го носи – коментираат од брендот.
Иако првично беше наменета за мода, компанијата Fabrican потврди дека оваа технологија има неограничени апликации.
Засега, ова вклучува CBD лепенки за ублажување на болката, заштитна облека како што се брзо произведени маски за лице, можност за правење хигиенски марамчиња или инстант сунѓери, пишува Yahoo.
