Фолк-пејачот Борче Наумовски – Министерот одбележува 30 години музичка кариера. Тој ќе одржи концерт утревечер, (22 јули) од 20:30 часот, во Хераклеја во Битола.
Познатиот фолк пејач вели дека е среќен што ќе пее на голем јубилејен концерт со кој одбележува три децении успешна работа, посветеност и траење на музичката сцена.
Публиката ќе има ретка можност на една сцена да ги види и слушне некои од најпознатите имиња на македонската народна музика. Гости ќе бидат неговите колеги Татјана Стефановска, Даниела Темелковска, Маријан Коцев, Миле Кузмановски, како и дуото „Соната“.
Целокупната музичка атмосфера и звучна поддршка ќе бидат доверени на маестро Кирил Стојчевски и неговиот оркестар, а водителка е Ирена Спировска.
„Љубителите на македонската музика и традиционалниот фолк ги очекува незаборавна музичка вечер под отворено небо“, велат организторите.
Јубилеен концерт на фолк-пејачот Борче Наумовски со многу гости утре во Битола
