Босанската пејачка Селма Бајрами, која со децении ја градеше кариерата во Србија, пред неколку месеци доживеа линч од српската јавност, кога на приватна прослава покажа двоглав орел, симбол кој многумина го толкуваат како знак на голема Албанија.
Оттогаш, Бајрами неколку пати се огласи на социјалните медиуми, но и преку неколку телевизиски емисии, каде го истакна своето албанско потекло и потенцираше дека има поддршка од своите пријатели во Србија.
Бајрами вчера се обиде да влезе во Србија, но беше вратена на аеродромот „Никола Тесла“ во Белград.
Секогаш со став за сѐ, оваа ситуација ја искоментира и српската водителка Јована Јеремиќ.
„Добро за Србија! Србија не е грст овес за секоја врана да јаде. Следниот пат нека размислат што ќе покажат. Излезете сите што не ги почитуваат Србија и Белград, кој е метропола на регионот“, напиша Јеремиќ на Инстаграм.
