Откако ја напушти групата „Хјурикеjн“, срспката пејачка Сања Вучиќ неуморно работи на својата соло-кариера. Таа редовно настапува низ Европа и регионот, но сега пејачката се огласи на социјалните мрежи и побара помош од своите следбеници.
Имено, како што истакна пејачката, таа во последно време е премногу уморна и не знае како да го реши тој проблем.
– Дали знаете некои препарати, минерали, што и да е, што може да ја зголеми животната радост и ентузијазам? Да можам 20 минути да прошетам низ градот без да се прозевам или да ме боли глава. Помогнете ми! – напиша Сања Вучиќ на Твитер.
Да потсетиме, Сања неодамна проговори за својата борба со здравјето, а откри низ што поминала додека не ја разбрала причината за нејзините проблеми со тироидната жлезда.
– Отидов на психијатар и помислив дека се работи за некаква депресија, која докторот на крајот ми ја дијагностицираше – изјави Сања Вучиќ, а потоа откри дека ѝ била дијагностицирана погрешна болест.
