Јелена Розга се пофали со фотографија од празничната трпеза, но не откри со кого го прославила Велигден. Пејачката на својот Инстаграм сторис сподели фотографија од богат велигденски појадок и им го честиташе празникот на своите следбеници.
Многумина се запрашаа дали Велигден го прославила со семејството Хуљиќ или со своето најблиско семејство, но Розга, во свој препознатлив стил, остана таинствена и не откри детали.
Инаку, Розга неодамна потврди дека е во врска со Иван Хуљиќ, синот на Вјекослава и Тончи Хуљиќ, по години шпекулации. Таа ја прокоментира изјавата на пејачката Нина Бадриќ, која прва јавно ги „разоткри“.
„Па зошто да се налутам. Никој не се крие, ние не се криеме, живееме сосема нормално, ама беше слатко. Толку се изнасмеав, најсилна е“, изјави пејачката од Сплит. „А потоа дојде и Грашо и уште еднаш ја потврди врската?“, ја прашале новинарите. „И Грашо убаво кажа, сè тоа е симпатично. Требаше некој да го каже, и тоа е сосема во ред“, додаде Розга, конечно потврдувајќи ја врската.
