Игор Којиќ, син на фолк-пејачот Драган Којиќ Кеба, на почетокот на годинава се ожени со 15 години помладата Софија Даќиќ. Нивниот брак, кој започна далеку од очите на јавноста, траеше само пет месеци.
Според информации од блиски извори, иницијатор за раскинувањето била Софија, поради сè почестите несогласувања во последните два месеци од заедничкиот живот.
Иако се венчаа во јануари, планираа и црковна свадба, која не се одржа поради Божиќниот пост. По разводот, Игор објави фотографии на социјалните мрежи од дружење со пријател на рафтинг, со што покажа дека се обидува да се насочи кон позитивните страни од животот.
Во последно време објави и реклама за луксузна вила во Тиват, што покажува дека му се посветил на бизнис-проектите.
Нивната свадба била скромна и се одржала во општина Нов Белград, каде што беа првиот пар што стапил во брак таа година. Софија, активна на ТикТок, често објавуваше заеднички моменти со Игор и неговите родители.
Игор и Софија, поради сè почестите недоразбирања, решиле секој да тргне по свој пат. Како што дознава „Курир“, Софија била таа што ја донела конечната одлука.
„Во почетокот сè беше како бајка, изгледаше како љубов на прв поглед. Софија беше толку заљубена во Игор што веднаш прифати да се омажи за него, по кратко запознавање. А Игор? Тој беше толку фасциниран од неа, што беше подготвен целосно да ѝ се посвети и да си го промени животот. Се венчаа во јануари, на изненадување на нивните семејства, и првите месеци живееја идилично, што се гледаше и од нивните објави на социјалните мрежи. Софија редовно објавуваше фотографии со Игоровите родители, а често и му готвеше омилени јадења“, раскажал извор за „Курир“.
