Сите љубови се слични една на друга, а различни на посебен начин. Игор Џамбазов и Илина Арсова несомнено станаа омилениот пар на македонската јавност. И двајцата се активни на социјалните мрежи и умешно знаат да ги радуваат своите обожаватели и пријатели со заеднички фотографии, взаемна поддршка и позитивна енергија.
Нашата позната алпинистка Илина Арсова, моментално се наоѓа во Турција, па нејзиниот сакан Игор „ја поздрави“ на оригинален начин.
Џамбазов на својот Инстаграм профил ја објави сликата под која напиша „Seni seviyorum“ или во превод од турски јазик „Те љубам“. А Илина за брзо му „врати“ шеговито велејќи: „Чиста поезија“.
Илина и Игор станаа омилен пар на јавноста, токму поради нивната искреност, никој реално не го интересира дали нивната љубов ќе добие некаков „расплет“, се додека се среќни еден со друг.
Колку и да се различни, успеале да создадат нешто свое и безусловно да се поддржуваат во тоа што го прават. Тие својата креативност ја покажуваат и докажуваат секој ден на најразлични начини.
Илина, покрај тоа што го „доближи“ планинарството до обичниот народ, споделувајќи моменти од своите професионални ангажмани, Арсова постојано покажува и други страни од себе.
Илина на социјалните мрежи покрај фотографиите од високите врвови, објавува и свои уметнички дела со кои нè освојува сите, со посветеноста и талентот што го поседува.
„Таа нема некои посебни фалинки, освен што по цел ден слика калинки…“, напиша Игор под сликата на Илина. А Илина само додаде „Калинка е во мода“.
