Многу членови на домашната забавна индустрија, меѓу кои и легендарната пејачка Ханка Палдум, се простија од Саша Поповиќ, кој почина на 1 март.
Многу познати личности проговорија за тажната пригода, а се уште се збогуваат со креативниот директор на „Гранд“ на социјалните мрежи.
Сега пејачката Ханка Палдум објави емотивна порака посветена на Поповиќ и изрази сочувство до неговото семејство.
„Веста дека нè напушти Саша Поповиќ донесе тага во срцата на сите кои успешно соработуваа со овој голем „магионичар“ на естрадата. Со искрени желби да почива во Божји мир, упатувам сочувство до неговото семејство, неговиот тим и соработниците. Со почит, Ханка Палдум“, напиша таа во објавата.
Член на „Гранд“ откри какви биле последните моменти од животот на Саша.
„До последниот ден работеше и веруваше дека се ќе биде во ред и не сакаше никој да зборува за неговата болест, бидејќи беше сигурен дека ќе закрепне како сите нас. Можам само да кажам дека неговото семејство беше со него до самиот крај“, откри Весна.
