Неколку дена по инаугурацијата на американскиот претседател Доналд Трамп, јавноста сè уште е фасцинирана од деталите на церемонијата, кои постепено се откриваат. Експерти почнаа да го анализираат однесувањето и говорот на телото на Доналд и Меланија Трамп, што предизвика голем интерес.
Двојката присуствуваше на три балови – Commander’s Ball, каде танцуваа на песна од Елвис Присли „An American Trilogy“, Freedom Ball и Star Ball. Голем дел од јавноста беше љубопитен за разговорите што ги воделе сопружниците за време на нивниот танц.
„Ни беа потребни три бала бидејќи имаме огромна поддршка“, изјави Трамп пред публиката на балот на слободата.
Танцот на претседателот и првата дама привлече внимание, особено нивниот разговор. Многумина сакаа да дознаат што си кажале, а читачот на усни Џереми Фримен ги расветли нивните зборови.
Според магазинот „Тила“, Трамп ѝ рекол на Меланија дека никој тој ден не го изневерил, на што таа наводно одговорила: „Ова е ден што никогаш нема да го заборавиме“. Доналд, пак, ѝ рекол: „Во право си, ќе учам, ќе се борам“, на што Меланија одговорила: „Тука сум за тебе“.
Марк Боуден, експерт за говор на телото, го оцени танцот на парот како непријатен, истакнувајќи дека Меланија изгледала несигурно и непријатно.
Особено внимание привлече нејзиниот говор на телото за време на балот. Двојката влезе во салата, поздравена со громогласен аплауз, и го изведе традиционалниот танц. Сепак, како што истакна Боуден, нивната интеракција брзо станала непријатна, пишува „Б92“.
