Марија Шерифовиќ стана родител со помош на сурогат мајка, а нејзината колешка Гоца Тржан отсекогаш отворено зборува својата борба со неплодноста и неуспешните постапки за вонтелесно оплодување.
Во изјава за „Скандал“, сега Тржан откри дека би ја искористила можноста да добие дете со помош на сурогат мајка.
„Ако постои, сега во овие години, со задоволство би ја искористила. Тоа постои само во Америка, постои со години, само мора правно да се заштити и сурогат-мајка и оној кој го плаќа тоа сурогат-мајчинство и тоа правно е многу строго и тешко е да се направат такви закони, така што кај нас… Да се разбереме, да бидеме реални, некогаш во дамнешни времиња, знаеше да се случи жена која не може да роди да се договори со сестра си, па сестра ѝ да ѝ роди дете. Тоа се случувало многупати во историјата, така што тоа постои, некогаш не се плаќаше. Некогаш се правеше од срце, сега се плаќа и тоа е тоа“, изјави таа.
Да потсетиме, Гоца Тржан (49) е во брак со актерот Раша Новаковиќ (35) од 2015 година. Иако има една ќерка од претходниот брак, пејачката со години се обидува да добие дете со актерот.
