Пејачот Мат Гос, кој во осумдесетите беше голема ѕвезда како фронтмен на бендот „Bros“, откри дека во текот на настапот во живо преку социјалните мрежи и го спасил животот на една обожавателка која му напишала дека сака да се убие. Веднаш ја прекинал свирката и ја повикал девојката со која зборувал половина час со цел да ја убеди да повика итна помош и да ја смири.
„Срцето ми застана кога напиша дека сака да се убие. Не можев да го игнорирам тоа, ја запрев свирката и и се јавив. Беше во многу лоша состојба. Беше сама дома па затоа морав да ја наговорам да повика брза помош и полиција“, раскажа тој.
Тој додаде дека и дал до знаење дека ја сфаќа сериозно.
„Сакаше некој да ја сослуша. По дваесетина минути таа започна малку да се смирува. Подоцна ја проверив неколку пати и ми кажа дека се чувствува добро и дека чувствува како има уште еден пријател во светот. Се чувствувам многу гордо бидејќи успеав да му помогнам на некој кој беше на работ“, раскажа Мет за магазинот „The Sun“.
