Гаги Ѓогани се појави на отворањето на нова теретана каде што ќе работи неговата помлада ќерка Нина, а таму искрено проговори за семејството, љубовта и односите со поранешната сопруга.
На почетокот изјави дека е пресреќен што неговата мезимка конечно нашла работа што навистина ја исполнува.
„Нина отсекогаш имала талент — знае да пее, да игра, да спортува. Ние никогаш не сме ја форсирале, туку ѝ дозволивме самата да се пронајде. Сега конечно го направи тоа и верувам дека ќе остане во оваа насока. Сериозна е кога станува збор за тренингот и има знаење и образование“, изјави танчарот.
Ѓогани откри дека е во одлични односи со момчето на Нина, како и со Марко, сопругот на неговата постара ќерка Луна.
„Со дечкото на Нина имам супер однос, а со Марко сме како браќа. Тој ме чувствува повеќе од пријател, но сепак ми е зет и морам да пазам на границите. Многу ми е драг, како член на семејството“, рече тој низ насмевка.
Тој додаде дека одлично се разбира и со Андреј Атијас, сегашниот сопруг на неговата поранешна сопруга, пејачката Анабела.
„Секогаш сме имале почит еден кон друг. Секој пар поминува низ турбуленции, но нормалните луѓе на крајот се враќаат на здрав однос. Со Андреј зборувам најмногу за работа и никогаш немало проблеми меѓу нас“, истакна Ѓогани.
На крајот, Гаги проговори и за љубовта и можноста повторно да се ожени.
„Бев во врска четири години, сега сум во пауза. Љубовта ќе се појави кога ќе треба. Иако сум бил разочаран повеќе пати, сè уште верувам во љубовта. Без неа, животот нема смисла. Ако се појави жена која тоа го сака — зошто да не се оженам и да имаме дете?“, искрено призна Гаги.
