„Со големо разочарување сме принудени да го откажеме вечерашното шоу бидејќи Стивен не се чувствува добро и не може да излезе на сцената, вака познатиот американски рок бенд Аеросмит во последен момент го откажал настапот во Лас Вегас овој петок бидејќи пејачот Стивен Тајлер не можел да настапи, а причината е „мистериозна“ болест, како што дознаваат американските медиуми.
Се очекува концертот да се одржи следната недела, ако 74-годишниот фронтмен се чувствува подобро.
Аеросмит нема среќа во Вегас, концертите во јуни и јули беа откажани откако Тајлер беше примен на рехабилитација поради користење дрога.
Легендарниот пејач со години се бори со зависноста, а неколку пати бил на третмани за рехабилитација и детоксикација.
