Вдовицата на покојниот пејач за кој сè уште тагува целиот Балкан, Ѓорѓе Балашевиќ, Оливера Балашевиќ, крена прашина во јавноста кога ја забрани работата на „Balašević Tribjut Bend“ и нареди да се отстранат сите видеа посветени на нејзиниот покоен сопруг. Оливера дури го забрани видеото од збогувањето на Кејот во Нови Сад и епизодата на „Državnog posla“ во чест на кантавторот, пренесува „Пинк“. Покрај тоа, таа од својот „Инстаграм“ профил ги избриша сите заеднички фотографии со Џоле, а на потписот на новата книга „Planeta dvorišve“ го стави моминското презиме Савиќ.
View this post on Instagram
На многумина не им беше јасно што се случува, а потоа Оливера се огласи на „Инстаграм“:
– На корицата од книгата што е причина за моето огласување стои презимето Савиќ, моминското презиме, и презимето на мајка ми, што ме чуваше во годините раскажани на страниците што следат… Го ставив таму од почит, наместо посвета и малку од суеверие, не баш како зајачка шепа, туку како крило на ангел кој толку совесно чувал куќа во близина на Бегеј…
View this post on Instagram
– Значи, нема никаков скандал, дури ни мистерија околу тоа, или нешто што би можело да им конкурира на „задругите“ и короната во медиумите, во неколкуте преостанати весници и на таканаречените портали. Кога ќе се случи поради некоја причина да станете таканаречена „јавна личност“, најчесто ве поистоветуваат со „јавна сопственост“, па така се однесуваат со вас. Само ми олесна кога видов дека никој не објавил ништо за моите деца, за моето семејство, а со тоа и за мене, или за екстремниот недостиг на теми во оваа книга. Вистина е дека објавувањето вести главно се сведува на емитување од нечии лични објави на социјалните мрежи, но и овде има силни случајни и намерни грешки, малку од лигавост, малку повеќе од злоба…
