Хрватската пејачка Маја Шупут и шармантниот Шиме Елез, еден од најзапаметените учесници во хрватската верзија на реалното шоу „Господин Совршен“, повторно се најдоа во фокусот на јавноста.
По неговите моторџиски авантури низ регионот, Елез се врати во родниот Сплит, а токму таму двајцата беа „уловени“ од љубопитните погледи. Иако не споделија заеднички фотографии, и тој и Маја објавија содржини од истото познато место на Жњан, каде уживаа во коктели и храна – доволно за да се разгорат нови шпекулации за нивната поврзаност.
Пејачката и телевизиската личност почнаа да се дружат откако едно видео на ТиктОК стана хит – во него Елез искрено призна дека други познати Хрватки, меѓу кои Северина, Франка Бателиќ и особено Јелена Розга, му се попривлечни од Маја. Таа на изјавата одговори со доза на хумор, што доведе до нивен контакт.
Наскоро Маја го вклучи Елез во својот спот за песната „Нисам ја за мале ствари“, а од тогаш двајцата повеќепати беа видени заедно, оставајќи простор јавноста да се прашува дали станува збор само за пријателство или нешто повеќе.
