Пејачот Виктор Апостоловски сподели емотивна објава по повод третата годишнина од бракот со сопругата Милена, откривајќи дел од нивните најубави семејни моменти со синот Адам.
На фотографиите што ги објави на социјалните мрежи може да се видат насмеани и среќни во различни моменти од секојдневието – од прошетки и дружења во природа до заеднички семејни авантури со нивниот син.
Во описот на објавата Виктор напиша:
„Третата годишнина ја пречекуваме 3ца. Уште 103 вака, па после ќе прајме муабет!
Хепи Ениврсри хани! Ве љубам!“
Виктор и Милена станаа родители на 2 декември 2025 година, кога на свет дојде нивниот син Адам. Оттогаш пејачот често споделува моменти од семејниот живот и не крие дека ужива во улогата на татко.
Љубовната приказна на парот беше крунисана со брак пред три години, а денес нивното семејство е збогатено со уште еден член.
Покрај тоа што редовно ги радува фановите со нова музика, Виктор неодамна ја покажа и својата емотивна страна преку песната посветена токму на својот син Адам.
