Пејачот Саша Матиќ синоќа приреди незаборавна прослава по повод 18-тиот роденден на неговата помлада ќерка Тара. Семејството организираше луксузна прослава во Белград, а салата беше исполнета со раскош и елеганција. На овој посебен настан се појави речиси целата забавна сцена, со околу 600 до 700 гости кои дојдоа да го разубават моментот.
Гостите уживаа во богато мени и пијалоци, но моментот што најмногу ги воодушеви сите присутни беше тортата што Тара ја избра за својот голем ден, бела торта на три нивоа украсена со природни цвеќиња, која стана централна точка на прославата.
View this post on Instagram
Кога тортата беше донесена, салата беше преплавена со конфети додека Тара ги гаснеше свеќите. За прекрасната атмосфера се погрижи Софронијевиќ, кој ги забавуваше сите присутни со хармоника, а забавата траеше до утрото.
Со својот емотивен говор, Саша Матиќ ја отвори прославата и им се заблагодари на сите присутни. Не можеше да ја скрие гордоста и среќата, а зборуваше и зошто одлучил да прослави со стил.
– Прво, дозволете ми да ве поздравам, а потоа да ви се заблагодарам што дојдовте. Нема да одам предалеку со приказната, но ќе кажам неколку работи. Оваа вечер ѝ ја посветувам на мојата ќерка, но и на сите вас. Кога решивме да го прославиме полнолетството на овој начин, тоа беше од две причини. Првата причина е што кога се консултирав со неа за тоа што ќе правиме и како ќе го правиме, ѝ реков да го направи за нејзиното друштво и нејзините најблиски. Сепак, таа потоа ми рече: „А зошто така? Ти напарави прослава за Александра, нема со мене?“. Потоа решив да притиснам гас и да го направам тоа на вистинскиот начин – рече Саша низ смеа, зборувајќи за тоа како неговата ќерка влијаела на големината на прославата.
