Постарата ќерка на поранешните манекени и сопственици на модното студио „Црнокрак“, Светлана и Мики Црнокрак, го прослави 23 – тиот роденден. Моника е првата ќерка на познатиот пар, а по повод роденденот младата дама објави прекрасни фотографии на својот инстаграм – профил.
Роденденска торта со големи свеќи во форма на бројот 23 и прекрасен букет со црвени рози беа дел од прекрасните роденденски фотографии кои наследничката на Светлана и Мики и сподели на социјалните мрежи.
Поради пандемијата, Моника го прослави роденденот со своето семејство, а претходно нејзините најблиски пријатели и организираа слатко изненадување пречекувајќи ја славеничката со чинија полна колачи на кои беа наредени дваесет и три свеќички.
Моника е успешна во манекенските води и има освоено неколку титули за убавина, а на фотографиите по повод роденденот позира со својата мајка Светлана и помалата сестричка Нина.
