Српската актерка Слобода Миќаловиќ, како и многу нејзини колешки, често споделува некој момент од својот живот со своите следбеници.
Без разлика дали се работи за патување, некој момент од снимање, нејзините објави го привлекуваат вниманието на корисниците на социјалните мрежи.
Бидејќи актерката е добра пријателка со една од најубавите актерки во светот, италијанската филмска дива Моника Белучи, таа одвреме-навреме ги изненадува своите следбеници со некоја нивна заедничка фотографија.
Станува збор за фотомонтажа во која се наоѓаат таа и Моника Белучи, а многумина изјавија дека актерките дури и си личат и дека и двете се големи дами и харизматични личности.
View this post on Instagram
Миќаловиќ овојпат јавно ѝ се обратила на актерката со заедничка фотографија, додека Слобода гледа во Моника, а италијанската актерка гледа во објективот, означувајќи ја италијанската актерка и проследувајќи ја објавата со краток коментар:
– Еј, еј – притоа ставајќи емотикони со срце и љубов во описот на објавата.
Моника одговорила на оваа нејзина објава, па ѝ возвратила со три црвени срца.
Објавата на Слобода наиде на воодушевување кај нејзините следбеници, а околу 15.000 нејзини следбеници ја „лајкнаа“.
Инаку, Слобода и Моника развија пријателство откако заедно се појавија во филмот на Емир Кустурица „На Млечниот пат“ пред десетина години. Оттогаш, нивното пријателство не престанало. Многумина ги сметаат за совршена комбинација, бидејќи Моника сè уште важи за една од најубавите жени, додека Слобода своевремено американскиот портал „Beautiful Women Pedia“ ја прогласи за најубава природна актерка на светот.
