Познатата актерка Софија Вергара (51) ги изненади обожавателите со интимна фотографија од нејзиното патување во Париз, Франција.
Имено, како и голем број познати личности, таа присуствуваше на Модната недела во француската престолнина.
Во една од нејзините последни објави, ѕвездата на ситкомот „Modern Family“ сподели своја фотографија на која нема шминка и лежи во луксузна мермерна када.
„Сега е два часот наутро. Правам план како да ја однесам оваа када во Лос Анџелес“, напиша таа во описот, додавајќи емотикони кои илустираат смеење.
Но, нејзините следбеници беа пофасцинирани од младоликиот изглед на актерката, отколку од луксузната када.
„Софија, дај ни го рецептот – изгледаш сѐ помладо“, „Ти си толку убава без шминка…“, „Уау, спекакуларна и природна“, ова е само мал дел од коментарите кои ѝ ги напишаа тие.
Денеска Вергара сподели уште уште една фотографија, со која откри дека била на вечера со модната публицистка Валентина Микети и филмскиот продуцент Мохамед Ал Турки.
Како потсетување, актерката неодамна се раздели од сопругот Џо Манганиело по седум години брак.
Тие го кажаа судбоносното „да“ кон крајот на 2015 година, на голема свадбена прослава во Флорида.
„Донесовме тешка одлука да се разведеме. Како две лица кои се сакаат и се грижат еден за друг, љубезно замолуваме за почитување на нашата приватност во овој период, додека се движиме низ оваа нова фаза во нашите животи“, стоеше во нивното соопштение до јавноста.
