Македонската пејачка Антониа Гиговска настапи во еден локал во Куманово за дочекот на Новата 2024 година.
Таа се појави разголен светкав фустан, од ателјето на дизајнерката Ива Спасовска. За нејзината шминка се погрижи Александар Билјановски – Дадар, а фризурата ѝ ја направи Ангела Спасевска од модното студио „Дадар“.
„2023 – можам само да бидам благодарна на сè она добро и на се она не толку добро што ми се случи. Се изградив како личност, карактер, научив да живеам со луѓето кои ги сакам и ме сакаат. Оние кои искрено ме слушаат кога сакам да им кажам нешто и кои не ме оставија кога ми беше најтешко. Баш би сакала да им кажам благодарам на оние коишто ми кажаа збогум, затоа што само така научив кои се вистинските, оние коишто треба да бидат до мене – моја поддршка, мое рамо за плачење, оние што никогаш не би ме изневериле.
Најубавото нешто што ми се случи и ја одбележа оваа година е мојот син, мојот Киан, мојот живот.
Кога сме кај музиката, во новава година си посакувам многу песни, многу хитови (не мора да бидат хитови, само да ги сакате и да ги пеете), многу соработки. Си посакувам да сум здрава и жива, сите околку мене да се среќни, исполнети, насмеани.
За крај, во 2024 година влегов со овој прекрасен фустан на Ива Спасовска, кој дефинитивно треба да биде знак дека ме чека најдобра година, година за паметење. Или како што би рекол мојот Лазар Цветковски: ‘Шефче, ова ќе биде твоја година’.“, напиша таа.
