Небојша Кострешевиќ, попознат како Неша Твинс денеска се ожени во строга тајност. Тој успеал да скрие еден од најважните моменти во својот живот од очите на јавноста и целосно да ја зачува својата приватност.
Тајната венчавка се одржала веднаш по церемонијата во црквата Свети Лука, каде што двојката се заколнала на вечна љубов пред олтарот, пишува „24 седам“.
Како што понатаму се наведува, свадбената прослава се одржала во еден од елитните белградски ресторани, со присуство на семејството, пријателите и најблиските соработници со кои го слават почетокот на заедничкиот живот.
На прославата присуствуваат околу 200 гости.
Неша ја потврдил информацијата дека денеска се венчал.
– Ви благодарам од срце за прекрасните желби. Денеска мојата сопруга и јас сме пресреќни, исполнети и благодарни што го споделивме овој момент со најблиските. Сакавме денеска нашата љубов да биде во прв план, а ќе има можност да зборуваме за тоа во идниниот период – порачал Неша за споменатиот медиум.
На свадбата присуствуваат и Мина Костиќ и нејзиниот партнер Мане Ќурувија – Каспер, кој објави и фотографија од венчавката на Неша.
– Ни се ожени и нашиот Неша. Следен знаете кој е на ред – напишал Каспер на Инстаграм со фотографијата.
За потсетување, Каспер неодамна откри дека тој и Мина работат заедно на подготовката на нејзиниот нов албум:
– Завршивме дури 13 нови песни што ги напишав – рекол Мане, а Мина ги потврдила неговите зборови и ѝ најавила на публиката микс од балади и брзи песни.
