Српскиот актер Милош Биковиќ чека дете со својата избраничка Ивана Малиќ.
Популарниот српски актер и црногорската адвокатка, кои се во врска нешто повеќе од две години, со нетрпение го очекуваат своето прво дете, а убавата Ивана на свет ќе донесе момче.
Ивана сега објави селфи на кое се гледа дека е во напредна бременост.
Адвокатката позирала пред огледалото со трудничкиот стомак во преден план, но она што сите ги зачуди е тоа што убавата Ивана не добила вишок килограми, а многумина се прашуваат како успеала да има толку добра фигура.
Да потсетиме, Биковиќ на својот Инстаграм се огласи за бременоста на Ивана и ја потврди убавата вест.
„Среќни сме што наскоро ќе станеме родители. Ова е важен, веројатно најважниот момент во нашите животи. Засега не сакавме да го откриеме, но папараците не доведоа во ситуација да немаме избор. Ви благодариме на сите за убавите зборови и честитки, а ги молиме медиумите и новинарите да ја почитуваат нашата одлука и интегритетот на нашиот приватен живот. Кога ќе сакаме да разговараме на оваа тема, секако ќе ве контактираме“, напиша тогаш Биковиќ.
View this post on Instagram
