Пејачката Јелена Карлеуша објави приватна преписка со колешката Едита Арадиновиќ во која и вели дека отсекогаш била „неважна“.
Инаку, Едита Арадиновиќ пред извесно време изјави дека новите албуми на Јелена Карлеуша „не се нејзина шолја чај“, и дека на промоцијата на колешката отишла од почит кон продуцентот.
Карлеуша не криеше колку е разочарана од неа, како што напиша и на својот инстаграм-профил. По оваа објава Едита ѝ испратила приватна порака на Јелена, а таа веднаш јавно ја објави.
„Биди сигурна дека нема да продолжам, знам дека со години се правеше дека не постојам, затоа што така ти одговараше, а јас немам проблем со тоа сè додека не почна да се однесуваш арогантно. Но, тоа немаше никаква врска со тоа што твојот албум не беше моја шолја чај. Бидејќи велиш дека ти е доста од другите да те чепкаат, еве сега ти кажувам дека нема да продолжам, дека погрешно си разбрала и дека ти ми згреши на мене. Но, на крајот на денот, кому му е гајле кој кому згрешил, ова шоу е само уште една кал за пливање! Среќно и на тебе!“, напишала Едита.
На оваа порака Јелена веднаш и одговорила:
„Не се лути, но ти ни сега не постоиш за мене. Единствената врска што ја имав со тебе беше кога се понудив да ти помогнам со сестра ти. Твоето продолжение е ирелевантно за медиумите, бидејќи нема да реагирам, и тоа е доволно. Сигурно си мизерна. Сè најдобро.“, одговорила ЈК.
