Принцот Хари првпат беше виден во јавноста по раѓањето на неговото второ дете Лилибет, учествувајќи во добротворен поло натпревар.
Војводата од Сасекс изненадувачки настапи на натпреварот што се одржа во Аспен минатиот четврток, 19 август, за да собере средства за неговата добротворна организација. Хари отсекогаш учествувал на добротворни натпревари.
Облечен во тиркизна кошула и бели панталони, Хари се насмевнуваше додека се качуваше на седлото, само неколку часа подоцна откако неговите адвокати испратија правни известувања до британските весници со кои негираа дека тој и неговата сопруга Меган Маркл „повторно отвориле расправија“ со неговата баба, Кралицата Елизабета.
Правниот тим кој работи за Сасекс во Обединетото Кралство, во четвртокот нагласи дека е „клеветнички да се тврди дека двојката предизвикала поголема напнатост во кралското семејство“, додавајќи дека тврдењата на авторите на книгата, Омид Скоби и Каролин Дуранд (книгата Finding Freedom е напишана од двајца американски репортери без вмешаност на Хари и Меган) се целосно лажни.
Пред неговиот натпревар во поло, Хари објави дека ќе донира 1,5 милиони долари во добротворни цели: „Ова е една од неколкуте донации што планирам да ги дадам за добротворни цели и благодарен сум што можам на овој начин да им помогнам на децата и заедниците кои имаат голема потреба од помош“.
