Линдзи Лохан своевремено беше најголема тинејџерска ѕвезда и многу често се наоѓаше на насловните страници поради проблематичното однесување.
На големо изненадување на сите, сега се појави во непрепознатливо издание. Папараците ја уловија како пристигнува во квартот Хадсон Сквер на Менхетен, каде покажа сосема поинаков имиџ.
Наместо портокаловата коса по која беше позната долго време, Линдзи се одлучи за елегантни руси локни. Таа носеше бел фустан со цветен дезен, кој го искомбинира со крем капут со златни копчиња и чанта во иста боја.
View this post on Instagram
Покрај нејзиниот гламурозен изглед, она што на многумина им падна во очи е и младоста што ја стави во преден план. Блескавата насмевка не ја симна од лицето, а впечатокот дополнително го засили со пристојна шминка во светли тонови.
Како што пренесуваат медиумите, актерката го одбрала ова издание за гостување во ток-шоуто The View. Таа ќе биде таму за да го промовира својот нов божиќен филм кој треба да излезе на Нетфликс на 27 ноември.
