Пејачката Наташа Беквалац (45) ужива на летување во Црна Гора, од каде што редовно споделува фотографии и видеа со своите следбеници на социјалните мрежи.
На најновите објави таа позира во елегантен црн костим за капење, додека се релаксира покрај морето.
Со кадрите од одморот повторно го привлече вниманието на своите обожаватели, кои не штедеа комплименти за нејзиниот изглед.
„Изгледаш подобро од кога било“, „Совршена“, „Прекрасна жена“, беа само дел од коментарите што се нижеа под објавата.
Наташа неодамна откри дека успеала да ослабе 10 килограми со промена на начинот на исхрана. Таа претходно изјави дека во менито вклучила месо, јајца, зелен зеленчук, млечни производи со малку јаглехидрати и многу вода, додека ги исфрлила пецивата, тестенините, оризот, компирот, слатките и газираните пијалаци.
