Познатиот Мет Лебланк, кој го глумеше Џои Трибиани во ситкомот „Пријатели“, за прв пат се појави во јавноста по смртта на Метју Пери, со кој со години глумеше во популарната серија. Чендлер Бинг и Џои беа цимери и фантастичен тандем на малите екрани. Пријателството меѓу нив постоеше и позади камерите.
Мет Лебланк се појави во јавноста два дена откако тој и другите актери на „Пријатели“ дадоа официјална изјава за смртта на Метју Пери, кого го сметааа за член на нивното семејство. Актерот изгледаше крајно тажно на фотографиите од Лос Анџелес.
Matt LeBlanc pictured for the first time since shocking death of ‘Friends’ castmate Matthew Perry https://t.co/R54FlapMYb pic.twitter.com/vnth7F1rAH
— Page Six (@PageSix) November 2, 2023
Зборувајќи за „People“ во 2016 година за неговото пријателство со Метју Пери, Лебланк рече дека можеле да поминат пет години без да се видат, но кога ќе се сретнат лесно ги започнувале своите добро познати разговори. Ништо не можело да го разниша нивното пријателство.
Метју Пери еднаш изјавил дека Џои (Лебланк) е неговиот „помал брат“, а Рос Гелер (Дејвид Швимер) е неговиот „поголем брат“.
Метју Пери почина на 28 октомври во Лос Анџелес, неговиот асистент го нашол во џакузи, се обидел да му помогне, но веќе било предоцна. Токсиколошките анализи ќе го разрешат прашањето која била причината за смртта на славниот актер.
Метју Пери имаше 54 години, а голем број обожаватели со денови се збогуваат со саканиот актер.
