Американската актерка и манекенка Меган Фокс (34) и нејзиното ново момче Машин Ган Кели (30) за прв пат се појавија заедно на јавен настан и ги воодушевија обожавателите кои долго време немаа потврда за нивната врска.
Имено, актерката официјално ја потврди врската со помладиот рапер кога заедно се појавија на црвениот тепих на овогодинешното издание на „Американските музички награди“.
Убавата Меган блескаше на црвениот тепих во зелен фустан со интересен крој, додека Машин носеше чудна јакна – палто, широки панталони и сребрени чизми, а притоа јакната беше отворена на градите и ги откри неговите бројни тетоважи кои особено го привлекоа вниманието на публиката.
Меган блескаше во мини фустан кој ги истакнуваше нејзините зелени очи, додека во високите потпетици со синџири ги покажаа нејзините витки нозе.
Многу мажи му завидуваат на славниот рапер кој е во врска со познатата манекенка, која е сон на многу мажи ширум светот, а тој успеа да ја „фати“ на спотот за неговата песна „ Bloody Valentine “, која ја објави на почетокот на 2020 година и кога фановите почнаа да се сомневаат дека меѓу нив се случува нешто повеќе од пријателство и професионална соработка.
Меган, пак, се раздели од својот сè уште легален сопруг Брајан Остин Грин (47) со кого има три деца, а многумина ја критикуваат дека не им посветува доволно време на децата откако се вљубила во помладо момче, но неодамна актерката жестоко го негираше тоа.
