Холивудската актерка Меган Фокс (34) беше фотографирана на улиците на Лос Анџелес со нејзиниот нов партнер, раперот Ричард Колсон Бејкер (30), попознат како Машин Ган Кели.
Двојката шеташе во опуштена и лежерна облека, а Меган за слободното време со својот сакан одбра фармерки, јакна и патики, а стилот го надополни со кафена капа, додека во раката имаше заштитна маска.
Актерката годинава стави крај на десетгодишниот брак со колегата и актер Брајан Остин Грин, а се шпекулираше дека овој млад тетовиран рапер со ексцентричен стил е причината за распадот на бракот на актерката.
Меган Фокс неодамна го обвини својот поранешен сопруг дека се обидел на сите начини да ја оцрни како мајка и дека е отсутен во воспитувањето на нивните три деца.
