Страшниот ураган Милтон ја погоди Флорида, каде на удар се голем број населби и куќи, меѓу кои и вилата на музичката ѕвезда Лепа Брена вредна речиси еден милион.
Лепа Брена и Боба Живојиновиќ со години имаат куќа во Мајами, во која често престојуваат и уживаат со семејството.
Станува збор за куќа која е изградена во 1950 година, во типичен американски стил. Има двор со базен кој е многу помал од оној што семејството Живојиновиќ го имаат во својата вила на Бежанијска коса во Белград.
View this post on Instagram
На една официјална веб-страница за недвижности пишува дека оваа вила е продадена во јули 2010 година за 950.525 долари, односно 806.706 евра.
На истата веб-страница пишува дека куќата е со површина од 222,96 метри квадратни и дека има две бањи.
Инаку, Брена и Боба, освен недвижност во Мајами и Белград, наводно имаат стан и во Монте Карло.
За потсетување, повеќе од 2 милиони домови и претпријатија сега се без струја низ Флорида, а цели населби се во мрак.
Предупредувањата кои се издадени, а кои се однесуваат на големите поплави, за некои места важат дури 10:30 часот наутро, односно според наше време до 16:30 часот во случајот со Орландо. Исто така, многу места низ Флорида се изложени на ризик од поплави.
