Анѓелина Чонкиќ (25), ќерка на Небојша Чонкиќ Чонта, поранешен фронтмен на познатиот новосадски панк бенд „Пекиншка патка“, загина во сообраќајна несреќа во Торонто, Канада.
Анџелина во наредните денови ќе биде погребана на Градските гробишта во Нови Сад, каде ќе биде донесено нејзиното тело од Канада, соопшти неутешното семејство.
„Со неразбирлива болка Ве известуваме дека нашата премила ќерка Нина загина во сообраќајна несреќа на 6 октомври во Торонто. Сега е меѓу Ангелите, како што кажува нејзиното име“, пишува во некрологот под кој се потпишале ожалостените, мајката Мирјана, таткото Небојша, братот Момчило и чичкото Борислав и стрината Јелена со децата Милица и Милан.
Небојша Чонкиќ Чонта е роден во Нови Сад во 1953 година. Тој беше еден од најзначајните автори и креатори на музичкиот Нов бран во Југославија на почетокот на 1980-тите, како водач на групата „Пекиншка патка“.
По двата објавени албуми кои влегоа во антологијата на српскиот и балканскиот рокенрол, групата престана да работи, а Чонкиќ ја продолжи академската кариера, работејќи како професор во Електротехничкиот училишен центар во Нови Сад.
Тој во 1994 година се преселил во канадскиот град Торонто, каде предава информатика на канадскиот државен универзитет Сенека, пренесува српски „Блиц“.
