Македонската актерка Катерина Шехтанска сподели нови фотографии од летниот одмор, на кои во преден план се нејзината витка фигура, природниот изглед и препознатливата широка насмевка.
Шехтанска позира во жолт топ и колоритно здолниште со висок шлиц, а летната комбинација ја надополни со впечатлив црвен ѓердан.
Опуштена и насмеана, актерката покажа дека и во петтата деценија од животот е во одлична форма.
View this post on Instagram
Неодамна, во интервју за „Слободен печат“, Шехтанска искрено зборуваше токму за годините и за тоа како го доживува стареењето. На прашањето дали годините ја плашат или, пак, ја прават посигурна во себе, таа призна дека во последно време почнала да размислува поинаку за нив.
„Да, за жал, почнаа да ме плашат… Не можам некогаш да сфатам колку години имам, затоа што, како велат, како се чувствуваш, така изгледаш“, изјави Шехтанска.
