Српскиот фолкер Дарко Лазиќ не крие дека ужива во брачниот живот со сопругата Катарина, а сега пејачот решил да ја изненади својата поубава половина и да ѝ купи скап автомобил.
Дарко на својот профил на Инстаграм сподели фотографија на која Катарина позира седната на новото „ауди“, а во рацете држи раскошен букет црвени рози.
Вредноста на овој автомобил се проценува на неколку десетици илјади евра, а заедно со најавата Дарко ѝ ја посветил на сопругата песната „Za tebe uvek biću tu“. Катарина исто така ја сподели фотографијата, додавајќи емотикон за срце.
Да потсетиме, Дарко и Катарина го кажаа судбоносното „да“ минатата година, а пејачот по венчавката призна дека конечно ја пронашол жената на својот живот.
– Отсекогаш сум фантазирал да направам свадба, бидејќи сум пеел на големи свадби, а никако да направам своја. Тоа за мене е навистина посебно доживување, а ако ме прашувате за личниот успех, јас од мојата сопруга не се одделувам. Сè што правиме, правиме заедно и сè славиме заедно – изјавил Дарко неодамна за „Гранд“.
Да потсетиме, Лазиќ во 2018 година имаше тешка сообраќајна несреќа по која едвај преживеа. Дарко се присети на моментите по несреќата, а откри дека ноќе се будел поради кошмари.
– Се случуваше да сонувам сообраќајот и да се разбудам целиот испотен и во локва вода. Тоа е затоа што се сеќавам на некои работи, тогаш не ми беше лесно, иако сум шегаџија, па многумина мислат дека не ја сфаќам сериозно ситуацијата. Најважно е што денес многу повеќе водам сметка, но младоста-лудост. Немам многу што да кажам во своја одбрана, освен дека сè ќе си дојде во свое време – рекол тој.
