Македонската професорка и мејкап артистка Калтрина Круезиу се појави во впечатливо ретро издание на галата „Д Хаут Вед“ во Скопје.
За свеченоста таа избра раскошна бела креација инспирирана од гламурот на 20-тите години на минатиот век и естетиката на стариот Холивуд.
Фустанот беше украсен со полупроѕирни апликации во форма на дискови, бисери и светкави детали, додека долгите реси на рамената и страничните делови внесуваа дополнителна динамика во креацијата.
Особено впечатлив беше горниот дел, со богати декоративни елементи околу вратот и рамената и нагласена силуета.
Целото издание Калтрина го надополни со необичен украс за глава во ретро стил, кој дополнително ја истакна инспирацијата од модата на 20-тите години.
Со белата креација, бисерите, светкавите детали и впечатливиот додаток за глава, нејзиното издание потсетуваше на гламурозните стајлинзи на холивудските диви од почетокот на минатиот век.
View this post on Instagram
