Како жесток борец во сузбивање на маларијата поранешниот фудбалер Дејвид Бекам, за целите на новото промотивно видео што поттикнува лекување на што повеќе луѓе од оваа заразна болест изгледа 30 години постаро.
Ако некогаш сте се прашувале како ќе изгледа славниот заводник кога ќе остари, сега имате шанса да дознаете. Имено, за потребите на новото хуманитарно промотивно видео, Давид остави сè во рацете на експертите, кои дигитално го остареа и го пренесоа во далечната иднина.
Тие го покажаа на 70-годишна возраст, со обелена коса и брада и со бројни брчки на лицето. Кампањата за борба против маларијата, насловена „Маларијата мора да умре за да можат милиони да живеат“, брзо се најде во сите светски медиуми и го привлече вниманието на јавноста.
Видеото е дизајнирано да го прикаже Бекам во 2050 година, кога маларијата, наводно, целосно исчезнала од Земјата и на никој повеќе не стравува од таа заразна болест.
– Борбата против маларија е исклучително важна за мене. Јас го доживувам многу лично затоа што влијае и убива претежно деца и млади луѓе. Значи, мислам дека имаме можност да се менуваме и да сториме нешто за да се промени тоа во текот на нашите животи, рече 45-годишниот поранешен фудбалер. Бекам кој се приклучи на фондацијата „Malaria no more UK“ уште во 2009 година и оттогаш редовно ја поддржува.
