Хрватскиот водител Тарик Филиповиќ и неговата сопруга Лејла, која е успешна менаџерка во областа на односите со јавноста, поминаа убаво време во нашиот главен град, а своите позитивни импресии од Скопје ги искажаа на социјалните мрежи.
Двојката неодамна присуствуваше на првата регионална конференција за родителство на Бекутан во Скопје и беа дел од панел-дискусиите.
Тарик и Лејла максимално го искористиле слободното време и ги посетиле најзначајните туристички точки во македонската метропола – Старата скопска чаршија, Македонскиот народен театар, Камениот мост, плоштадот „Македонија“, порта „Македонија“ и спомен-куќата на Мајка Тереза.
„Ова е наш прв заеднички престој во Скопје – таму каде што сонцето вечно сјае. Колку љубов и топлина. Има некоја тајна врска“, напиша Лејла Филиповиќ на својот инстаграм-профил, каде објави неколку фотографии од нивното патување во Скопје.
