Православните христијани денеска (21 ноември) го слават празникот свети Архангел Михаил, кој е значаен празник и во домот на музичката ѕвезда Лепа Брена.
Семејството Живојиновиќ секоја година го одбележува овој празник со богата трпеза, а подготовките во кујната започнаа уште од вчера. Бидејќи се познати како големи гурмани и љубители на готвењето, дел од храната што ќе им ја послужат на гостите вечерва ја подготвија самите.
Иако сите дадоа свој придонес, најмладиот син на пејачката Лепа Брена и поранешниот тенисер Слободан Живјоиновиќ најмногу се истакна со своите кулинарски вештини. Виктор беше посветен во правењето на сармите, а малечкиот внук Александар му асистираше во готвењето. За оние кои не знаат, малечкото момче е син на брат му Филип и пејачката Александра Пријовиќ.
„Семејство Живојиновиќ, прекрасни сте!“, „Некој навистина го сака чичко му!“, „Вие сте чиста љубов, секоја чест“, „Нека ви е среќна славата, уживајте“, гласат дел од коментарите на социјалните мрежи од воодушевените обожаватели.
Според содржината објавена на нивните инстаграм-профили, нивните гости ќе уживаат во одлично приготвена храна!
