На денешен ден беше родена писателката Исидора Бјелица, 10 декември 1966 година, а нејзиниот син Лав Пајкиќ денес објави емотивна порака на социјалните мрежи.
Семејството на Исидора, четири месеци по нејзината смрт, сè уште не може да се соочи дека таа повеќе не е меѓу нив, а Лав ги растажи сите со својата објава.
– Денес би го прославиле твојот роденден мамо. Имајќи предвид дека сите бевме постојано активни како семејство, секогаш беше подвиг сите да се собереме на исто место и во исто време, но за секој твој роденден традиционално успевавме да се собереме на иста маса, напиша Лав.
– Ние ќе продолжиме да ја одржуваме оваа традиција, бидејќи таа нè научи што е навистина важно во животот, здравје и време за најблиските! Вечно ќе бидеш во нашето срце и ум, напиша Лав на неговиот Инстаграм профил по објавата на една нивна заедничка фотографија.
Да потсетиме, Исидора почина на 5 август, во станот на нејзините родители во Нов Белград, по долги години борба против тешката болест.
