Македонскиот моден дизајнер Златко Јовановски-Џеј Зи Џеј (JZJ) има богато портфоилио со ѕвезди кои со задоволство ги носат неговите креации. Како регионални, така и светски ѕвезди – Ава Макс, Муни Лонг, Кеш Дол и Талија се само дел од нив. Креациите на Златко го привлекоа вниманието и на српската поп дива Јелена Карлеуша, со која дизајнерот досега остварил неколку соработки.
Овој пат, Џеј Зи Џеј објави на инстаграм дека Викторија Сваровски, сопственичка на светски познатиот бренд „Сваровски“ носи негова креација.
„Викторија Сваровски, сопственичката на брендот ‘Сваровски’ носи моја креација. Драги пријатели, што и да напишам, малку е. Само ќе кажам, да работите напорно и да верувате во чуда! Дека чуда се случуваат!“, напиша Златко во една од своите инстаграм-приказни.
„Мојот труд, моето време, мојата енергија да го направам мојот бренд светски! Мојата етикета ја има насекаде низ светот! Среќен сум кога мои креации носат дами кои се убави, успешни и имаат можност да облечат кој било… и тие ме избираат токму мене! Тогаш сум поласкан и почестен!“, додаде талентираниот моден дизајнер.
View this post on Instagram
„Викторија Сваровски изгледа прекрасно во нејзиниот #jzjkingofsparkle фустан! Те сакаме Викторија!“, напиша Јовановски покрај објавените фотографии од Викторија, облечена во елегантен и гламурозен фустан од него.
