Хрватската пејачка Северина важи за една од најстилизираните пејачки на регионалната естрада, а таква е и кога ќе се појави на аеродром.
Во тоа се уверил и папарацото кога ја фотографирал на белградскиот аеродром целосно дотерана.
Пејачката летела за Скопје, каде викендов имаше голем солистички концерт, а за патувањето избрала тексас издание – кошула и фармерки, со кои искомбинирала бели чизми и клач чанта во иста боја од популарниот луксузен бренд „Жакемус“, чија цена е 1.000 евра и секаде е распродадена.
Северина времето до летот го искористила и за да ја види изложбата за птиците и заштитените видови на аеродромот, но и да се фотографира со воодушевените обожаватели, кои ѝ упатиле безброј комплименти за нејзиниот физички изглед, а на кој може да ѝ позавидат и многу помлади девојки.
