Пејачката Дијана Јанковиќ, позната како Диди Џеј, деновиве го прослави својот 37. роденден.
– Среќен ми роденден – напиша Диди на социјалните мрежи, споделувајќи серија фотографии од луксузна јахта каде што ја одбележа роденденската прослава.
На фотографиите може да се види како ги дувнува свеќичките и ужива во гламурозната атмосфера со внимателно осмислен декор.
Да потсетиме, Дијана е во брак со дваесет години постариот Даниел Роквиќ, чија фирма неодамна отиде во стечај.
Тогаш се огласи адвокатот Пол Хајман Лајтне, тврдејќи дека Диди Џеј и нејзиниот сопруг намерно ја довеле фирмата до стечај за да избегнат да вратат долг од 30.000 евра кон бизнисмен од Австрија.
Диди Џеј живее во елитен дел од Белград, каде што со сопругот поседува луксузна вила.
Позната е по својата страст кон модата и има орман полн со брендирани парчиња, вредни речиси колку стан во центарот на градот.
– Штиклата е над 30 сантиметри, па затоа ќерка ми ги нарекува „Лејди Гага“. На кутијата пишуваше дека се опасни по живот и дека производителот не одговара ако си ја скршите ногата или нешто слично. Тоа навистина стоеше таму. Многу светски ѕвезди ги носат за фотосесии, но не се за одење. Многу внимавам кога ги носам – изјави Јанковиќ.
