Џина Џиновиќ, ќерката на познатиот пејач Харис Џиновиќ, објави фотографија од луксузен ресторан во Монте Карло, каде што позира со еден од најпознатите јутјубери и боксери во светот – Џејк Пол.
Оваа објава веднаш предизвика лавина од коментари, особено затоа што се шпекулира дека познатиот Американец е целосно заљубен во Џина.
На фотографијата што ја сподели на Инстаграм, Џина и Џејк се насмеани, а според извори блиски до двојката, Џејк „се заљубил“ во младата инфлуенсерка.
Нивното запознавање започнало на социјалните мрежи, каде што се допишувале неколку месеци.
Договорот за средба во живо се случил токму по повод неговото пристигнување во Монте Карло. Средбата се реализирала неодамна, и иако Џејк не се потрудил да скрие колку му се допаѓа Џина, таа сè уште го гледа исклучиво како пријател.
Џејк Пол е еден од највлијателните инфлуенсери на денешницата, но и многу успешен претприемач и боксер. Неговото богатство, според проценките на порталот „Celebrity Net Worth“ и списанието „Sports Illustrated“, е околу 100 милиони долари.
Само од борбата против Мајк Тајсон, одржана во ноември 2024 година, тој заработил неверојатни 40 милиони долари.
