Хрватската пејачка Северина Вучковиќ (53) уште еднаш покажа зошто е сакана не само како уметница, туку и како личност. Имено, неодамнешниот концерт во Крапински Топлице, Северина забележа момент кој ги допре срцата на публиката и илјадници луѓе на социјалните мрежи.
За време на изведбата на емотивната песна „Роѓено моје“, Северина забележа момче во инвалидска количка во првите редови. Таа слезе од сцената, му се приближи, го фати за рака, а момчето, и покрај здравствените проблеми, успеа да стане.
Во тој момент, Северина го прегрна, создавајќи сцена полна со топлина, сила и надеж.
Пејачката објави видео од средбата на Инстаграм со пораката: „Најтешките борби ги водат најсилните“.
View this post on Instagram
Овој гест предизвика лавина од позитивни реакции. Коментарите на нејзините следбеници беа полни со емоции и благодарност: „Плачам… Ја сакам и почитувам оваа жена сè повеќе и повеќе секој ден“; „Ова е жена, мајка, кралица… личност со големо срце“; „Само големите луѓе имаат сила да им се обратат на оние кои често се невидливи“.
