Пејачката Бојана Скендеровски вчера го прослави нејзиниот јубилеен 40. роденден.
Бидејќи нејзиниот роденден се совпаѓа со Денот на вљубените – 14 февруари, таа направи роденденска прослава во знакот на љубовта и виното.
На овој важен ден, покрај неа беа нејзиниот сопруг, децата, родителите и сестра ѝ.
„Добредојдовте 40 и со букви (четириесетти). Бидете добри, ветувам дека ќе останам искрена и верна кон сѐ што сакам да остварам.
Господе, ти благодарам што ми го овозможи сето ова – здравје, семејство, љубов, пријатели. Среќна сум со сѐ што живеам и имам.
Пријатели, јас сум богата жена – духовно. Денешниот ден ми го направивте посебен со секој момент и гест што го направивте и со секоја убава мисла што ми ја испративте.
Да сте живи и здрави, одиме понатаму!“, напиша таа на Инстаграм.
