Фолк-пејачот Благоја Грујовски не старее и многумина коментирааат дека е ист како на почетокот од кариерата. Во една прилика, тој рече дека и сегашната и поранешната сопруга се помлади од него.
„Едната жена беше 12 години помлада од мене, другата е 24. И децата ми се така, сè е во знакот на 12 и сè е во знакот на тигар“, рече пејачот еднаш на „Репортер“.
Иако по професија е диполмиран новинар, музиката стана негова животна преокупација, и сега Благоја Грујовски е еден од нашите најпознати и најуспешни фолк-пејачи. Многумина не би му ги дале годините, тој во септември наполни 63.
Баже беше во брак со презентерката Татјана Стојановска, а сега е во брак со Ирена Грујовска со која се запознал во едно кафуле. Има два сина, Матеј и Марко.
Новите слики кои тој ги објавил се од неговиот настап на Фолк-фест „Роса“ на кои се гледа дека пејачот, кој не е многу активен на социјалните мрежи не се менува и го одржува младешкиот изглед.
