Фановите на една од најгледаните серии деновиве „La Casa De Papel“ со нетрпение ја очекуваат веста кога ќе може да ја гледаат новата, петта сезона, а креаторот на серијата, Алекс Пина, изјави дека серијата дефинитивно ќе се врати на екраните.
„Сè уште не можам да кажам ништо официјално, но серијата дефинитивно ќе се врати“, изјави Пина за шпанското „АБЦ“.
Иако сè уште нема официјална потврда од „Нетфликс“, фановите веќе започнаа да шпекулираат кога би можело петтата сезона да ја види светлината на денот.
Пред пандемијатата со коронавирусот, предвидениот термин за објавувањето беше април 2021 година, но поради вонредните околности, снимањето беше одложено. Фановите сепак веруваат дека петтата сезона ќе излезе како што беше првично планирано.
Поради коронавирусот, снимањето на серијалот е откажано до понатамошно известување и сè уште не е познато кога ќе продолжи. Затоа реално е да се очекува петтата сезона од серијалот на „Нетфликс“ да дојде подоцна во текот на наредната година.
