Талентираната актерка Зои Кравиц (30), ќерка на пејачот Лени Кравиц (55) и актерката Лиса Бонет (51), е новата жена-мачка во новиот филм на франжизата за популарниот суперхерој, каде Роберт Патинсон (33) ќе го глуми Бетмен, а обожавателите го пратат секој нејзин чекор на социјалните мрежи откако ја доби улогата. Токму нив, Кравиц ги воодушеви во огромен број со новата фотографија на која се разголи.
Зои одамна покажа дека сака голи-арт фотографии, уште кога се соблече за американското списание „Rolling Stone“, по примерот од својата мајка Лиса Бонет која тоа го направи додека беше бремена со Зои. Бонет се фотографирала во 1988 година, кога била во вториот месец од бременоста, а Зои верно ја „реплицирала“ култната фотографија, покажувајќи колку многу физички потсетува на својата мајка.
„Секогаш ми се допаѓала таа насловна страна. Кога и да го видам списанието „Rolling Stone“, се присетувам на таа слика која ми се врежа во помнењето. Прекрасна е. Навистина е впечатлива“, рекла Зои.
Актерката ова лето се омажи за колегата Карл Глусман (31) во домот на својот татко Лени во Париз, а дека 2019 година сигурно ќе ѝ остане во сеќавање по добро, го потврди и добивањето на големата филмска улога.
