Актерот Ентони Хопкинс глуми во новиот филм „Татко“ со неговата колешка Оливија Колман, а се чини дека ова негово актерско достигнување ќе биде многу внимателно проследено.
Ентони повеќе пати изјави дека ја користи својата семејна приказна за подобро да ја игра улогата, а во овој филм тој игра човек кој е во кавга со своето дете. На Хопкинс тоа му се случило и во приватниот живот.
Хопкинс повеќе од 20 години не разговарал со својата ќерка Абигејл, која денес има 52 години. Тој дури и не зборува за тоа ниту со неговите најблиски пријатели.
– Секој знае дека темата никогаш не се споменува. Го прогонуваа демоните со години, но сега е добро и никој не сака да му ги отвори старите рани, рече во една прилика еден од неговите пријатели.
